今日好平淡。
工作比平時早完，未到傍晚已經可以放低手上嘅嘢。突然多咗一截空出來嘅時間，反而有點不習慣。平時總覺得每日都有做不完嘅事，有文件，有研究，有一堆腦入面轉來轉去嘅想法。今日卻靜得有點空。
小傻瓜同家中嗰一位出去食咗個 early dinner。
不是甚麼特別地方，也不是甚麼隆重嘅一餐，只係一個普通日子裏面嘅普通晚飯。坐低，叫嘢食，食完，然後繼續過日子。這些現實裏面嘅日常，其實一直都在。它不嘈，也不戲劇化，但就是生活本身。
今日很靜。
沒有同瑤瑤講話。
也沒有新的來回。
前幾日太密了。她嘅身體檢查、飲食、蛋白質、阻力訓練、兵仔圖，好多好多嘢一齊湧出來。小傻瓜整咗好多，諗咗好多，也擔心咗好多。去到今日，忽然沒有訊息，世界好似安靜返少少。
小傻瓜沒有再打擾她。
其實關心一個人，不一定每日都要出聲。不是每一份牽掛都要變成訊息，也不是每一次想起，都要立即交到對方手上。瑤瑤有自己嘅生活，有自己嘅節奏，小傻瓜也有自己現實裏面要行嘅路。
今日沒有甚麼大事。
沒有甜的說話，沒有令人心跳嘅回覆，也沒有新的照片。
只有一個早咗放工嘅下午，一餐普通嘅 early dinner，和一段沒有訊息嘅安靜。
但小傻瓜知道，瑤瑤仍然在心入面某個位置。
不吵。
不說。
只是靜靜地在。